Ert þú að leita að au pair?
Au Pair er ungur einstaklingur sem kemur til Íslands til að kynnast íslenskri menningu, landi og þjóð á einstakan og persónulegan hátt. Með því að búa hjá fjölskyldu og taka virkan þátt í heimilislífinu verður Au Pair hluti af fjölskyldunni og deilir daglegum verkefnum og ánægjustundum með ykkur.
Au Pair styður fjölskylduna í daglegu lífi með því að annast börnin, vera þeim félagsskapur og fyrirmynd, ásamt því að létta undir með léttum heimilisverkefnum sem tengjast barna ummönnun. Í skiptum fær Au Pair hlýlegt heimili, fæði og vasapening, og tækifæri til að öðlast dýrmæta reynslu, læra tungumálið og kynnast siðum og venjum landsins.
Fyrir fjölskylduna er þetta mikilvæg aðstoð sem gefur aukinn sveigjanleika og léttir undir í annasömu daglegu lífi, en um leið dýrmæt upplifun þar sem heimilið opnast fyrir nýjum sjónarhornum og börnin fá að kynnast nýrri menningu á eigin forsendum. Börnin eignast vini og fyrirmynd úr annarri þjóð sem auðgar uppeldi þeirra og víkkar sjóndeildarhringinn.
Þetta er gagnkvæm upplifun þar sem traust, vinátta og góð tengsl myndast á milli fjölskyldu og Au Pair. Margir lýsa því hvernig þessi samvera hefur skapað minningar og samband sem varir löngu eftir að dvölinni lýkur.
Með því að taka á móti Au Pair veljið þið ekki bara ábyrgðarfullan aðstoðarmann heldur líka einstaka upplifun fyrir fjölskylduna — ný tækifæri fyrir börnin ykkar og ykkur sjálf til að sjá heiminn með ferskum augum, heima hjá ykkur.
Við hjá Nínukoti leggjum okkur fram að aðstoða í leit þinni að kröftugri og hæfileikaríkri au pair sem verður góð viðbót við fjölskyldu þína og veitir börnunum afbragðs umönnun.
Au pair færir heiminn inn á heimili þitt með veru sinni og kennir börnum þínum um nýja menningu. Bráðlega læra börnin jafnvel að segja takk og góðan daginn á nýju tungumáli.
Að finna hæfileikaríka og áreiðanlega au pair er eitt af því mikilvægasta sem þú gerir. Þar kemur Nínukot inn og veitir þér aðstoð við leitina.
Nínukot er aðeins með au pair umsækjendur frá EES og EFTA svæðinu.
Au Pair umsækjendur okkar sækja bæði um beint til okkar og í gegnum samstarfsaðila okkar þ.e. í gegnum viðurkenndar Au Pair skrifstofur víða á EES og EFTA svæðinu.
Au Pair skilar inn ítarlegum umsóknargögnum og Au Pair bréfi til fjölskyldu þar sem hún segir frá reynslu sinni, fjölskyldu og áhugamálum. Hún/hann deilir myndum af sér og sýnir frá sínu daglega lífi.
Einnig fáum við staðfest að viðkomandi sé með hreina sakaskrá, hafi góða heilsu og fáum staðfest meðmæli.
Yfirleitt sækja Au Pair um að vera í um 6, 9 eða 12 mánuði en einnig erum við stundum með umsækjendur sem vilja vera í styttri tíma.
Þegar fjölskylda hefur skilað inn umsóknargögnum sínum til Nínukots, sendum við au pair umsókn eða umsóknir sem gætu hentað viðkomandi fjölskyldu. Ýmislegt þarf að skoða við pörun fjölskyldu og au pair t.d. óskir um dvalartíma, aldurskröfur, reynsla, fjöldi barna, bílpróf, matarvenjur o.fl. o.fl. Fjölskylda velur úr umsóknum og óskar eftir viðtali.
Bæði fjölskylda og Au Pair þurfa að samþykkja viðtal í gegnum fjarfundarforrit (Skype, Zoom, Google Meet o.fl.).
Ef viðtalið gengur að óskum og báðir aðilar samþykkja fær Au Pair formlegt boðsbréf og koma til landsins er undirbúin. Annars er talað við næsta Au Pair umsækjanda og svo koll af kolli þar til að sá rétti umsækjandi finnst.
- Au Pair fær fullt fæði og sérherbergi ásamt 17.500 ISK í vasapening í hverri viku.
- Au Pair fær frí í eina viku fyrir hverja 6 mánuði í starfi hjá fjölskyldu og fær venjulegan vasapening á meðan. Hvenær fríð er tekið er samkomulag á milli au pair og gistifjölskyldu.
- Au pair fær frí á opinberum frídögum, þá fær au pair tækifæri til að taka þátt í þeim menningarlegu hátíðarhefðum og viðburðum sem hér eru haldin.
- Ef Au Pair dvelur í 6 mánuði eða lengur fær au pair flugstyrk amk. að upphæð 35.000 kr. Ef au pair dvelur í 12 mánuði fær au pair flugstyrk að upphæð amk. 70.000 kr. Flugstyrkir eru greiddir eigi síðar en þegar au pair fer alfarið frá gistifjölskyldu.
- Ferðakostnaður innanlands til/frá Reykjavík til/frá heimili gistifjölskyldu við komu til landsins og brottför frá heimili gistifjölskyldu er vanalega greiddur af fjölskyldu.
- Vinnutími er allt að 30 klst. á viku eða að jafnaði 6 klst. 5 daga vikunnar. Hann getur dreifst misjafnlega yfir daginn og vikuna. Au Pair fær frí 1 1/2 til 2 daga í viku. Frídagarnir geta verið á virkum dögum eða um helgar og þurfa ekki að vera samliggjandi, en skilyrt er minnst ein fríhelgi (laugardagur og sunnudagur) í mánuði.
- Við tilfallandi aðstæður er hægt að biðja au pair um að taka að sér nokkrar auka vinnustundir. Auka vinnustundir verða að vera með samþykki Au Pairs en aukastundum skal haldið í lágmarki og er ætlast til að aukastundir séu tilfallandi. Viðmiðið er að aukavinnustundir séu að hámarki 10 klst. á vikutímabili, samtals allt að 40 vinnustundir á einni viku. Au Pair fær að lágmarki 1200 ISK fyrir hverja auka vinnustund.
- Au Pair getur almennt sinnt verkefnum sínum á daginn frá kl. 7:00 á morgnana til kl. 20:00 og tekið að sér einstaka kvöldpössun.
- Gistifjölskyldur bera ábyrgð á sjúkratryggingum Au Pair fyrstu 6 mánuðina en eftir 6 mánuða dvöl hér á landi fer Au Pairin sjálfkrafa inn í kerfið hjá Sjúkratryggingum Íslands. Au pair frá EES landi getur oftast tekið samevrópska sjúkratryggingakortið með sér til landsins. Ef Au pair stefnir á að vera 3 mánuði eða lengur sækir viðkomandi um lögheimili og í framhaldinu sótt um skráningu inn í íslenska sjúkratryggingarkerfið og þannig stytt 6 mánaða biðtímann (ath. þetta á ekki við um alla en flesta frá EES/EFTA en ákveðnar forsendur eru fyrir því að hægt sé að stytta biðtímann).
- Ath. Nínukot er aðeins með umsækjendur með ríkisborgararétt frá EES/EFTA löndum og miðast þessi hlunnindi eingöngu að því.
Vistráðningargjaldið er 89.900 kr. Gjaldið er einungis greitt ef af ráðningu verður.
Innifalið í vistráðningargjaldi er:
- Au Pair vistráðning og undirbúningur fyrir komu.
- Aðstoð og leiðbeiningar á frágangi gagna er varða skráningu inn í landið ofl. sem þarf að gera eftir að au pair kemur til landsins.
- Upplýsingagjöf varðandi tryggingar ofl.
- Tveggja mánaða ábyrgð á vistráðningu frá komu Au Pair til landsins. Í því felst að ef samstarfið hjá au pair og fjölskyldu gengur illa þá hjálpum við fjölskyldum að finna nýja au pair að kostnaðarlausu. Ekki er tekin ábyrgð á vistráðningum sem eru gerðar fyrir 3 mánuði eða styttri tíma. Ábyrgðin gildir aðeins ef fjölskylda hefur reynt að leysa mögulegan ágreining samkvæmt leiðbeiningum og að réttindi au pair hafi verið virt.
- Stuðningur á meðan á dvöl Au Pair stendur.
- Au Pair fundir á vegum Nínukots.
Umsóknin
Við mælum með að gistifjölskyldur sendi inn umsókn amk. um 2-3 mánuðum áður en óskað er eftir að au pair komi til landsins, það er ennþá betra að vera fyrr á ferðinni. Stundum er hægt að verða við beiðnum þótt sótt sé um með styttri fyrirvara svo ekki hika við að kanna stöðuna hverju sinni ef óskað er eftir að fá Au Pair fyrr. Gistifjölskyldur þurfa að fylla út umsóknareyðublað, útvega sakavottorð fullorðinna einstaklinga á heimilinu og einnig er gott að fá 2-3 myndir af fjölskyldunni og umhverfi þeirra, sem gerir umsóknina persónulegri.
Þegar umsóknin er komin til okkar staðfestu við móttöku þegar búið er að fara yfir umsóknina, oftast innan 2ja virkar daga. Við höfum samband við nýjar gistifjölskyldur.
Pörunarferlið
Þegar búið er að vinna umsóknina þá förum við í að skoða umsóknir fyrir ykkur. Það er horft til margar þátta t.d. aldur barna, dvalartíma, staðsetning, gæludýr ofl. Þið gætuð fengið umsóknir strax til að líta yfir en það gæti líka verið einhver bið eftir rétta umsækjandanum. Það fer eftir stöðunni á umsóknum hverju sinni, óskum, hvenær er sótt um osfrv. Við getum aldrei verið fullviss um að við séum með umsækjanda sem fellur að öllum óskum en förum yfir það með ykkur.
Fylltu út skráningarformið hér að neðan eins vel og ítarlega og þú getur.
Um leið og þú sendir skráninguna inn til okkar getum við farið að leita að Au Pair sem hentar þörfum og óskum þinnar fjölskyldu.
Sækja um sem gistifjölskylda- Bílatrygging – Ef au pair þarf að nota heimilisbílinn við sín störf þá ber gistifjölskyldan ábyrgð á hvers konar tjóni sem hlotist getur. Það er mikil ábyrgð sem fylgir því að lána bílinn og er því mikilvægt er að hafa samband við sitt tryggingarfélag og fá leiðbeiningar varðandi bílatrygginguna fyrir komu au pair. Ef au pair fær bílinn til einkanota þá ber hún persónulega ábyrgð á þeim skemmdum sem kunna að verða allt að 500 EUR. Athugið þó að ekki allar au pair eru tryggðar vegna skemmda á ökutækjum og au pair hefur ekki tök á að borga háar fjárhæðir vegna skemmda sem hún kann að valda. Nínukot mælir því sterklega með að gistifjölskyldur gæti þess að bíllinn sé með kaskótryggingu.
- Sjúkratrygging – Gistifjölskyldur bera ábyrgð á að au pair sé með sjúkratryggingu á meðan á dvöl stendur. Ef au pair kemur frá landi innan EES og EFTA og er með Evrópska sjúkratryggingakortið þá nægir það. Ef au pair er ekki með Evrópska sjúkratryggingu þá þarf annaðhvort gistifjölskyldan að kaupa tryggingu fyrir hana í gegnum sitt tryggingafélag eða endurgreiða au pair ef au pair kaupir sjálf einkatryggingu.
