Af hverju að læra ný tungumál?

Tungumálanám opnar dyr. Öll tungumál heims eiga sameiginlegt að búa yfir ríkulegum orðaforða sem lýsir landsháttum,  menningu,  gjörðum, tilfinningum og viðhorfum. Annarra þjóða heimur opnast þannig fyrir okkur ef við lærum tungumál þeirra. Tungumálakunnátta verður því aðgangsmiði að nýjum, spennandi heimi sem stöðugt alþjóðavæðist og skreppur saman. 

Í dag eru til 7 milljarðar manna. Íslendingar eru aðeins 320.000 og búa þar að auki á eyju út í hinu stóra Atlantshafi.  Það er því að miklu að keppa að læra nýtt tungumál og stækka sjóndeildarhring sinn. Heill ævintýraheimur mun opnast fyrir þér eins og aðgangur að fólki, tónlist, sögu, menningu, veraldarvefnum og síðast en ekki síst fleiri atvinnumöguleikum. 

Eða eins og Vigdís Finnbogadóttir fyrrverandi forseti Íslands orðar svo snilldarlega:            

                   ,,Tungumálin eru lykill heimsins”

Við bjóðum tungumálanámskeið í ensku, frönsku, ítölsku, spænsku og þýsku.

Hvaða tungumál vilt þú læra?